Hoffenhaym Coufal bilan bir mavsumlik shartnoma tuzdi

Bundesliga klubi Hoffenhaym jarohat olgan Jandre o‘rniga yangi futbolchi bilan shartnoma imzoladi. Bu haqida Euro-football.ru xabar berdi.

Klub rasmiy sayti xabariga ko‘ra, jamoa Chexiya terma jamoasi futbolchisi Vladimir Coufal bilan kelishuvga erishdi. 32 yoshli himoyachi avval Angliyaning Vest Hem jamoasida to‘p surgan, biroq u erdan ketganidan so‘ng erkin agent maqomiga ega bo‘ldi.

Hoffenhaym Coufal bilan bir mavsumga mo‘ljallangan shartnoma tuzdi va futbolchi jamoaga bepul qo‘shildi. Klub vakillarining so‘zlariga ko‘ra, ularning asosiy maqsadi oldinda bo‘lib o‘tadigan mavsumda o‘ng qanot himoyachisi pozitsiyasini kuchaytirish bo‘lgan.

Ular Vladimir Coufal jamoaning barcha talablariga javob bera olishini va tezda asosiy tarkibga moslashishini bildirishdi. O‘tgan mavsumda Coufal klub darajasida 25 ta o‘yinda maydonga tushdi.

U mazkur uchrashuvlarda 5 marta ogohlantirish kartochkasini oldi, biroq gol yoki golli uzatma muallifi bo‘lmadi. Transfer bozorida uning qiymati 5 million yevro atrofida baholanmoqda.

Hoffenhaym yangi futbolchi yordamida himoyani mustahkamlashga umid qilmoqda.