Hujumchi Dushan Vlaxovich yozgi transfer oynasi yakunlariga ko‘ra “Yuventus”dan “Manchester Yunayted” jamoasiga ko‘chib o‘tishi mumkin. Bu haqida Euro-football.ru xabar berdi.
Mashhur sport jurnalisti Fabrizio Romano xabariga ko‘ra, Vlaxovich nomzodi “qizil iblislar”ga taklif etilgan. Hozirda mankunianliklar “Nyukasl” bilan Benyamin Sheshko uchun kurashmoqda.
Agar ular slovakiyalik futbolchini sotib olishga erisha olmasalar, “Manchester Yunayted” 25 yoshli Vlaxovichga e’tibor qaratishi mumkin. Dushan Vlaxovich transfer narxi bo‘yicha Benyamin Sheshkoga nisbatan ancha arzon turadi.
Serbiyalik futbolchining “Yuventus” bilan amaldagi shartnomasi 2026 yilning o‘rtalarigacha mo‘ljallangan. Vlaxovich “Yuventus” safida jami 145 ta o‘yinda maydonga tushib, 58 ta gol urgan va 14 marta jamoadoshlari uchun golli pas uzatgan.
Shu tariqa, uning tajribasi va natijalari “Manchester Yunayted” uchun muhim omil bo‘lib xizmat qilishi mumkin. Klub rahbariyati final qarorini yaqin kunlarda qabul qilishi kutilmoqda.
