Frank Mill, 1990 yilgi chempion, 67 yoshida vafot etdi
Germaniyadan qayg‘uli xabar yetib keldi. Bu haqida Euro-football.ru xabar berdi.
1990 yil jahon chempionatida Germaniya terma jamoasi tarkibida ishtirok etgan hujumchi Frank Mill hayotdan ko‘z yumdi. O‘sha yili Germaniya terma jamoasi Frans Bekkenbauer boshchiligida chempion bo‘lgandi.
Frank Mill hayotining so‘nggi yillarini Essen shahrida o‘tkazgan, mana shu shahardan uning vafoti haqida xabar berildi. Sobiq futbolchi 67 yoshda edi.
U og‘ir kasallik tufayli vafot etdi. Frank Mill o‘z faoliyatining eng yaxshi yillarini Dortmundning “Borussiya” jamoasida o‘tkazgan va 1989 yilda Germaniya Kubogini qo‘lga kiritgan.
U faoliyatini 1990-yillarning o‘rtalarida Dyusseldorfning “Fortuna” jamoasida yakunlagan. Frank Mill faoliyatini boshlagan “Rot-Vayss Essen” klubi matbuot xizmati uning vafoti munosabati bilan chuqur hamdardlik bildirdi.
Mazkur klub futbolchi uchun juda muhim bo‘lgan, chunki u aynan shu jamoada professional faoliyatini boshlagan edi. Frank Mill Germaniya futboli tarixida o‘z o‘rniga ega bo‘lgan futbolchilardan biri bo‘lib qoladi.
