«RB Leyptsig» hujumchisi Benyamin Sheshko kelajagi borasida o‘z qarorini qabul qildi. Bu haqida Euro-football.ru xabar berdi.
Dushanba kuni «Manchester Yunayted» klubi 22 yoshli sloveniya futbolchisini o‘z safiga qo‘shib olish uchun rasmiy taklif yubordi. Biroq, undan avvalroq «Nyukasl» klubi ham Sheshko uchun «RB Leyptsig»ga yanada foydali shartlarni taklif qilgan edi.
Shunga qaramay, taniqli jurnalist Aleks Krukning ma’lumotiga ko‘ra, o‘sha kuni kechqurun Benyamin Sheshko o‘z istagini aniq ifoda etdi va aynan «Manchester Yunayted» safiga o‘tmoqchi ekanini bildirdi. «Manchester Yunayted» rahbariyati transfer bo‘yicha muzokaralar ijobiy yakunlansa, bitim amalga oshishiga ishonmoqda.
Ma’lumotlarga ko‘ra, «Nyukasl» klubi Sheshko uchun taxminan 90 million yevro, «Manchester Yunayted» esa 85 million atrofida mablag‘ taklif qilgan. Hozirda muzokaralar davom etmoqda va yakuniy qaror klub rahbariyati bilan kelishilganidan keyin qabul qilinadi.
Futbolchining o‘zi esa Angliyaning mashhur jamoasida o‘ynashni ma’qul ko‘rmoqda.
