Nyukasl Nikolas Jekson transferiga qiziqish bildirmoqda
«Chelsi» jamoasi hujumchisi Nikolas Jekson ushbu yozda «Nyukasl» klubiga o‘tishi mumkin. Bu haqida Euro-football.ru xabar berdi.
Ayni paytda «Nyukasl» «RB Leyptsig» hujumchisi Benyamin Sheshkoni jamoaga jalb qilish uchun kurashni davom ettirmoqda. Biroq, manbalarga ko‘ra, 22 yoshli sloveniya futbolchisi «Manchester Yunayted» safiga o‘tishni afzal ko‘rmoqda.
The Athletic nashri xabariga ko‘ra, agar «Nyukasl» Benyamin Sheshkoni o‘z safiga qo‘sha olmasa, klub e’tiborini «Chelsi»dan Nikolas Jekson nomzodiga qaratadi. Ekspertlarning Transfermarkt portalidagi bahosiga ko‘ra, «Chelsi»ning 24 yoshli futbolchisi Nikolas Jeksonning transfer narxi 50 million yevroga teng.
Uning amaldagi shartnomasi 2033 yil yozigacha mo‘ljallangan. Ma’lumot uchun, «Nyukasl» Benyamin Sheshko uchun bonuslarni hisobga olgan holda 90 million yevro taklif qilgan.
Klub o‘z safini kuchaytirish uchun yangi futbolchilar izlashda davom etmoqda va transfer bozori faol tarzda olib borilmoqda.
