Qilichbozlik. Toshkentda 20 yoshgacha bo‘lgan sportchilar o‘rtasida O‘zbekiston chempionati yakunlandi
Toshkent shahridagi "Paxtakor" qilichbozlik sport majmuida 20 yoshgacha bo‘lgan sportchilar o‘rtasida bo‘lib o‘tgan qilichbozlik bo‘yicha O‘zbekiston chempionati yakuniga yetdi. Bellashuvlarda Qoraqalpog‘iston Respublikasi, viloyatlar va Toshkent shahridan 90 nafarga yaqin sportchi ishtirok etdi.
Chempionat bir hafta davomida qilichbozlikning shpaga, rapira va sablya yo‘nalishlaridagi yakkalik va jamoaviy bellashuvlarda yuqori natijalarni ko‘rsatish uchun kurash olib borildi.
Qizlar o‘rtasidagi natijalar:
Kizlar o‘rtasidagi yakkalik bahslarida Karina Qurbonova (Milliy klub) oltin medalni qo‘lga kiritdi. 2-o‘rinni Darina Bobojonova (Toshkent) egalladi. Viktoriya Tarshilova (Toshkent) va Dilnaz Usnatjonova (NOPSTM) esa 3-o‘rinni egallashdi.
O‘g‘il bolalar o‘rtasidagi natijalar:
O‘g‘il bolalar o‘rtasidagi bahslar Shonnazar Obilovning (Nukus olimpiadalari va paralimpiadalari sport turlariga tayyorlash markazi) g‘alabasi bilan yakunlandi. 2-o‘ringa Saidibrohim Olimov (Milliy klub) ko‘tarildi, 3-o‘rinni Nurkeldi Nurganboyev (NOPSTM) va Azizbek Karimboyev (Toshkent) bo‘lib olishdi.
Jamoaviy bahslardagi natijalar:
Jamoaviy bahslarda qizlar o‘rtasida "Toshkent-2" jamoasi g‘olib bo‘ldi va chempionlik shosupasining eng yuqori pog‘onasini egalladi. 2-o‘rin "Qoraqalpog‘iston-1" jamoasiga nasib etdi, 3-o‘rinni esa "Toshkent-1" va "Qoraqalpog‘iston-2" jamoalari bo‘lishdi.
O‘g‘il bolalar o‘rtasida jamoaviy bellashuvlarda 1-o‘ringa "Qoraqalpog‘iston-1" jamoasi ko‘tarildi. "Toshkent-1" jamoasi 2-o‘rinni qo‘lga kiritdi, 3-o‘rinni esa "Qoraqalpog‘iston-2" va "Qoraqalpog‘iston-3" sportchilari egalladi.
O‘zbekiston chempionati natijalari bilan shodlik, g‘alaba va yangi imkoniyatlarga bo‘lgan ishonchni namoyon etishga yordam berdi. Bu musobaqa kelgusida har ikki janrdagi sportchilar uchun yangi maqsadlar va muvaffaqiyatlarning ishonchli poygasini boshlab berdi.
