Rossiya va Qatar o‘yini natijasi FIFA reytingiga kiradi

Kuzning birinchi oyida Rossiya terma jamoasi bir nechta kuchli raqiblar bilan uchrashuvlar o‘tkazadi. Bu haqida Euro-football.ru xabar berdi.

4-sentabr kuni Valeriy Karpin boshchiligidagi jamoa o‘z maydonida Iordaniya terma jamoasiga qarshi bahs olib boradi. 7-sentabr kuni esa Rossiya terma jamoasi safarda Qatar jamoasi bilan o‘ynaydi.

Rossiya futbol ittifoqi axborot xizmati ma’lumotiga ko‘ra, Qatar va Iordaniya terma jamoalariga qarshi o‘tkaziladigan uchrashuvlarning natijalari FIFA reytingida hisobga olinadi. Shu sababli, Valeriy Karpin ushbu o‘yinlarda oltidan ortiq o‘yinchini almashtira olmaydi.

Xozirda Rossiya terma jamoasi FIFA reytingida 35-o‘rinni egallab turibdi. Qatar terma jamoasi 53-o‘rinda, Iordaniya esa 64-o‘rinda joylashgan.

Ma’lumki, UEFA va FIFA tomonidan joriy etilgan sanksiyalar sabab Rossiya terma jamoasi xalqaro musobaqalarda ishtirok eta olmayapti va faqat o‘rtoqlik uchrashuvlari o‘tkazish huquqiga ega. Shu bois, jamoa hozircha rasmiy turnirlarda qatnashmayapti va faqat do‘stona o‘yinlar bilan cheklanmoqda.