Kecha “Kayrat” va “Slovan” jamoalari Chempionlar ligasi uchinchi saralash bosqichida uchrashuv o‘tkazdi. Bu haqida Euro-football.ru xabar berdi.
Uchrashuv dastlabki daqiqalaridayoq maydonda keskin kurash boshlandi. Ofri Arad jarima maydonchasi yaqinidan to‘pni darvozaning o‘ng burchagiga yo‘naltirdi, biroq darvozabon zarbani qaytarishga muvaffaq bo‘ldi.
Valeriy Gromyko esa qaytgan to‘pni darvozaga yo‘naltirishga harakat qildi, ammo aniq zarba bera olmadi. Undan so‘ng yana bir necha xavfli hujumlar bo‘ldi.
Edmilson ham o‘ng burchakdan zarba berdi, biroq darvozabon yana to‘pni qaytardi. Jorjinyo uzoq masofadan zarba yo‘lladi, ammo darvozabon bu safar ham to‘pni bartaraf etdi.
Uchrashuvning 65-daqiqasida “Slovan” futbolchisi Rahim Ibrohim ikkinchi marta ogohlantirilib, maydonni tark etdi. O‘yin davomida “Kayrat” ustunlikni qo‘lga oldi.
O‘yinning so‘nggi daqiqalarida Daniil Ignatenko raqib jarima maydonchasida qoidabuzarlik qildi va hakam penaltini belgiladi. Dastan Satpayev 11 metrlik nuqtadan aniq zarba yo‘llab, hisobni ochdi.
Oradan ko‘p o‘tmay, “Kayrat” ikkinchi golni urdi, biroq hakam ofsayd qayd etdi va gol hisobga olinmadi. Yakunda “Kayrat” jamoasi o‘yinda to‘laqonli ustunlik namoyon etdi va muhim g‘alabaga erishdi.
Biroq saralash bosqichining taqdiri javob uchrashuvida hal bo‘ladi. O‘yin Olmaota shahridagi “Markaziy stadion”da bo‘lib o‘tdi.
