Cherchesov boshchiligida “Axmat” ilk daqiqalardan hujumga o‘tadi

Sobiq “Lokomotiv” jamoasi murabbiyi Valeriy Ovchinnikov Stanislav Cherchesovning “Axmat” jamoasiga qaytib kelganidan so‘ng, uning ilk o‘yini qanday o‘tishi haqida o‘z fikrlarini bildirdi. Bu haqida Euro-football.ru xabar berdi.

Unga ko‘ra, “Axmat” futbolchilari birinchi daqiqalardan boshlab faol harakat qilishi kutilmoqda. Hamma o‘zini ko‘rsatishga va murabbiyga ishonch bildirishga harakat qiladi.

Stanislav Cherchesov uchun bu klub begona emas, chunki u avval ham ushbu jamoada faoliyat yuritgan. Ma’lumot uchun, “Axmat” rasmiy ravishda Cherchesovning klubga kelganini chorshanba kuni, 6-avgustda e’lon qildi.

61 yoshli mutaxassis bilan uch yillik shartnoma imzolangan. Endilikda Cherchesov “Axmat”ni yangi mavsumda boshqaradi.

“Axmat” hamda “Zenit” jamoalari o‘rtasidagi uchrashuv shu shanba kuni, 9-avgustda, Rossiya Premyer-ligasining to‘rtinchi tur doirasida bo‘lib o‘tadi. Yangi murabbiy boshchiligidagi ilk o‘yin jamoa uchun muhim ahamiyat kasb etadi.

Uchrashuv natijasi ham futbolchilar, ham murabbiy uchun muhim sinov bo‘ladi.