Manchester Yunayted jamoasiga Benyamin Sheshkoning kelishi hujumchi Rasmus Xoylunn bilan xayrlashish ehtimolini oshirmoqda. Bu haqida Euro-football.ru xabar berdi.
Daniyalik futbolchi jamoani tark etishni istamagan edi, biroq RB Leyptsigdan qimmat narxda olib kelinadigan sloveniya futbolchisi transferi uni boshqa klubga o‘tishga majbur qilishi mumkin. Hozirda Rasmus Xoylunga asosiy da’vogar sifatida Milan klubi ko‘rilmoqda.
Milan rahbariyati futbolchining Angliyadagi muvaffaqiyatsiz o‘yinlariga qaramay, uning salohiyatini yuqori baholamoqda va uni Massimiliano Allegrining tizimiga mos ijrochi sifatida ko‘radi. Agar Manchester Yunayted Benyamin Sheshkoni sotib olsa, Rasmus Xoylunn o‘zi klubdan ketish haqida so‘rash ehtimoli bor.
Atalanta jamoasining sobiq hujumchisi yangi futbolchi asosiy tarkibda o‘ynashini va o‘zi zaxiraga tushib qolishini yaxshi tushunadi. Shu sababli, u muntazam o‘yin amaliyotidan mahrum bo‘lish xavfini ko‘rib, boshqa jamoaga o‘tishni o‘ylab ko‘rmoqda.
Milan klubi esa aynan shunday imkoniyatni kutmoqda va futbolchini o‘z safiga qo‘shib olishga tayyor turibdi. Rasmiy muzokaralar hali boshlanganicha yo‘q, biroq ikki klub o‘rtasidagi qiziqish kuchayib bormoqda.
Shu bilan birga, Manchester Yunayted rahbariyati ham yangi futbolchilar kelishi bilan tarkibda o‘zgarishlar bo‘lishi mumkinligini inkor etmayapti. Shu sababli, yaqin kunlarda bu borada yangiliklar kutish mumkin.
