Germaniyaning «RB Leyptsig» futbol klubi «Manchester Yunayted» jamoasi tomonidan hujumchi Benyamin Sheshko uchun yuborilgan taklifni rad etdi. Bu haqida Euro-football.ru xabar berdi.
22 yoshli futbolchi Angliyaning mashhur klubi – «qizil iblislar» safida o‘ynashga qaror qilgan va ularga rozilik bergan. Biroq, ikki klub o‘rtasidagi muzokaralar kutilganidan ko‘ra murakkabroq kechmoqda.
Hozircha transfer shartlari bo‘yicha to‘liq kelishuvga erishilmagan. Bu haqda jurnalist Florian Plettenberg xabar bermoqda.
Klublar o‘rtasida yangi muzokaralar payshanba kuni davom ettirilishi rejalashtirilgan. Avvalroq matbuotda tarqalgan ma’lumotlarga ko‘ra, «Manchester Yunayted» Benyamin Sheshko uchun jami 85 million yevro, shu jumladan bonuslarni taklif qilgan.
Shu bilan birga, Angliyaning yana bir klubi – «Nyukasl» ushbu sloveniya futbolchisi uchun 90 million yevro to‘lashga tayyorligini bildirgan. Hozircha tomonlar transfer shartlari borasida yakuniy qarorga kelmagan.
Muzokaralar davom etmoqda va kelgusi kunlarda yangi tafsilotlar ma’lum bo‘lishi kutilmoqda.
