Leyptsig Antonia Nusa transferiga ruxsat bermaydi
«Leyptsig» klubi hujumchi Antonia Nusa Italiya chempionatining «Inter» jamoasiga joriy transfer oynasida o‘tmaydigan bo‘ldi. Bu haqida Euro-football.ru xabar berdi.
20 yoshli norvegiyalik futbolchi Milanning mashhur jamoasi uchun Adebole Lukmanga muqobil variant sifatida ko‘rilayotgan edi. Mashhur sport jurnalisti Fabrizio Romano bergan ma’lumotga ko‘ra, «Leyptsig» rahbariyati yosh va istiqbolli futbolchini tarkibda saqlab qolishni ma’qul ko‘rmoqda.
Sababi, jamoani yozgi transfer mavsumida Benyamin Sheshko va Xavi Simons tark etishi kutilmoqda. Shu bois, klub rahbariyati Antonia Nusa uchun kelayotgan takliflarni faqat juda katta miqdordagi pul evaziga ko‘rib chiqishga tayyor.
Shuningdek, asosiy tarkibdan ikki yetakchi futbolchi ketganidan so‘ng, Nusaning asosiy tarkibda o‘zini namoyon qilish imkoniyati oshadi. Transfermarkt portali ma’lumotiga ko‘ra, Antonia Nusining taxminiy narxi 28 million yevroni tashkil etadi.
Shu sababli, klub futbolchini arzon narxda sotish niyatida emas. Hozircha Nusa «Leyptsig» sharafini himoya qilishda davom etadi va unga boshqa klublarning rasmiy takliflari bo‘lsa, ular faqat yuqori narx evaziga ko‘rib chiqiladi.
