Barboza Rossiyada legionerlar cheklovini qo‘llab-quvvatladi
Mashhur futbol agenti Paulu Barboza Rossiya Sport vazirligining mamlakat chempionatida chet ellik futbolchilar sonini kamaytirish tashabbusiga munosabat bildirdi. Bu haqida Euro-football.ru xabar berdi.
Avvalroq, 2025 yilda chet ellik futbolchilar uchun belgilangan cheklov kuchaytirilishi haqida xabar berilgan edi. Yangi tartibga ko‘ra, maydonda bir vaqtda besh nafardan ortiq chet ellik futbolchi bo‘lishiga ruxsat berilmaydi, jamoa tarkibida esa ularning umumiy soni o‘nga yetmaydi.
Paulu Barboza bu o‘zgarish yosh rossiyalik futbolchilarga o‘zini ko‘rsatish, asosiy tarkibda o‘ynash imkonini beradi, degan fikrni bildirdi. Barbozaning ta’kidlashicha, bu qaror Rossiya futboli uchun ijobiy natija beradi.
Unga ko‘ra, chet ellik futbolchilar mahalliy o‘yinchilardan ancha kuchli bo‘lishi kerak. Shunday sharoitda yosh futbolchilar uchun o‘z iste’dodini namoyon qilish eshigi ochiladi.
Hozirgi kunda Rossiya Premyer-ligasida har bir klub tarkibida 13 nafargacha chet ellik futbolchini ro‘yxatdan o‘tkazish mumkin, ularning sakkiz nafari maydonda bir vaqtda harakat qilishi mumkin. Yangi o‘zgarishlarga ko‘ra, bu raqamlar kelasi mavsumdan boshlab kamaytiriladi.
Bu esa mahalliy futbolchilarning rivojlanishiga qo‘shimcha imkoniyat yaratadi.
