Sobiq futbolchi Vladimir Granat Rossiya chempionatida xorijlik futbolchilar soniga qo‘yiladigan cheklov kuchaytirilishi mumkinligi haqida fikr bildirdi. Bu haqida Euro-football.ru xabar berdi.
Unga ko‘ra, agar chempionatda legionerlar soni kamaytirilsa, mamlakatga faqat yuqori saviyali futbolchilar keladi. Vladimir Granatning ta’kidlashicha, bunday vaziyatda mahalliy futbolchilar ham tajribali va kuchli o‘yinchilar bilan birga harakat qilib, o‘z mahoratini tezroq oshiradi.
Avvalroq e’lon qilingan yangi cheklovlarga ko‘ra, Rossiya chempionatida bir vaqtning o‘zida maydonda besh nafar xorijlik futbolchi ishtirok etishi mumkin bo‘ladi. Shuningdek, jamoa ro‘yxatiga esa jami o‘n nafar legioner kiritilishi mumkin.
Hozirda esa mamlakat chempionatida quyidagi tartib amal qiladi: har bir jamoa tarkibida bir vaqtning o‘zida sakkiz nafar xorijlik futbolchi maydonga tushishi mumkin, ro‘yxatga esa o‘n uch nafar legioner qo‘shilishi mumkin. Ushbu o‘zgarishlar mahalliy futbolchilarning tajribasini oshirish va chempionat saviyasini ko‘tarishga qaratilgan.
Mutaxassislarning fikricha, legionerlar sonining kamayishi milliy futbol rivojiga ijobiy ta’sir ko‘rsatadi.
