“Rostov” futbol klubi sobiq bosh murabbiyi Anatoliy Baydachniy jamoaning yangi bosh murabbiyi tayinlanishi haqida o‘z fikrini bildirdi. Bu haqida Euro-football.ru xabar berdi.
Ma’lumki, fevral oyida Valeriy Karpin “Rostov”dan ketganidan so‘ng, uning o‘rniga Jonatan Alba bosh murabbiy etib tayinlangan edi. Alba bunga qadar jamoada tahlilchi sifatida ishlagan.
Anatoliy Baydachniyning ta’kidlashicha, bu qaror uni hayron qoldirgan. Baydachniy o‘zining intervyusida shunday dedi: “Valeriy Karpin qanday qilib Jonatan Albaning bosh murabbiy bo‘lishiga rozilik berganini tushunmayman.
Karpinga hurmatim baland, biroq bu juda g‘alati qaror. Jonatan Alba hech qachon futbolchi bo‘lmagan va ilgari murabbiylik qilmagan.
U doim faqat tahlilchi bo‘lib ishlagan. Shuning uchun, hozirda u yaxshi natija ko‘rsata olmayapti.” Hozirda Rossiya Premyer-ligasida “Rostov” uch turdan so‘ng turnir jadvalida 14-o‘rinda bormoqda.
Jonatan Albaning jamoasi chempionatning dastlabki uch o‘yinida mag‘lub bo‘ldi. Ular “Zenit”ga 1:2, “Dinamo”ga 0:1 va “Krylya Sovetov”ga 1:4 hisobida yutqazdi.
Ayni paytda Jonatan Alba “Rostov”ni navbatdagi o‘yinga tayyorlamoqda. Jamoa Premyer-liganing navbatdagi turida “Pari NN” klubiga qarshi maydonga tushadi.
Uchrashuv 10-avgust, yakshanba kuni bo‘lib o‘tadi.
