9 avgust kuni kechqurun Rossiya chempionatining to‘rtinchi turi doirasida "Axmat" va "Zenit" jamoalari o‘zaro bahs olib boradi. Bu haqida Euro-football.ru xabar berdi.
Bu uchrashuv oldidan Rossiya terma jamoasining sobiq futbolchisi Aleksandr Mostovoy o‘yin natijasi bo‘yicha o‘z fikrini bildirdi. Mostovoyning ta’kidlashicha, "Axmat" jamoasida bosh murabbiy o‘zgarishi futbolchilarning ruhiyatiga ijobiy ta’sir ko‘rsatishi mumkin.
Yaqinda jamoani Stanislav Cherchesov boshqarib oldi. Sobiq futbolchi fikriga ko‘ra, bu o‘zgarishlar natijasida "Axmat" futbolchilari maydonga yangi kayfiyatda chiqishlari ehtimol.
Mostovoyning so‘zlariga ko‘ra, "Zenit" bu safar yirik hisobda va darvozasi daxlsiz holda g‘alaba qozonishi qiyin bo‘ladi. U uchrashuvda "Zenit" 2:1 hisobida zafar quchishini taxmin qildi.
Ma’lumot uchun, 30 iyul kuni "Axmat" va "Zenit" jamoalari Rossiya Kubogi doirasida ham o‘zaro bahslashgan va aynan shu hisob – 1:2 natija qayd etilgan edi. Mostovoy ushbu natijaning yana takrorlanishini kutayotganini bildirdi.
Uchrashuv 9 avgust kuni soat 20:30 da boshlanadi. Grоznо shahrida bo‘lib o‘tadigan ushbu o‘yinni matnli tarzda onlayn kuzatish imkoniyati mavjud.
