Saudiya Arabistonining “Al-Nasr” futbol klubi bosh murabbiyi Jorge Jezus taniqli portugaliyalik hujumchi Joau Felishning jamoaga qo‘shilgani yuzasidan o‘z fikrini bildirdi. Bu haqida Euro-football.ru xabar berdi.
Avvalroq Joau Felish Angliyaning “Chelsi” jamoasida to‘p surgan edi. Bosh murabbiyning aytishicha, Felish transfer bozorda mavjud edi va klub uni taklif etishga qaror qilgan.
Murabbiy futbolchiga ishonishini, u hujumda o‘zining o‘yin uslubiga mos keladigan ko‘nikmalarga ega ekanini ta’kidladi. Shuningdek, u Joau Felishning “Al-Nasr”ni tanlagani to‘g‘ri qaror bo‘lganini qayd etdi.
Ma’lumotlarga ko‘ra, 25 yoshli hujumchi o‘tgan oyning oxirida Saudiya Arabistonining “Al-Nasr” jamoasiga o‘tdi. Joau Felish klub bilan ikki yillik mehnat shartnomasi imzoladi.
Transfermarkt portali ma’lumotiga ko‘ra, “Chelsi” va “Al-Nasr” klublari o‘rtasidagi kelishuv summasi 30 million yevroni tashkil etdi. Shu tariqa, “Al-Nasr” jamoasi hujum chizig‘ini tajribali futbolchi bilan kuchaytirdi va yangi mavsumda yuqori natijalarga erishishni maqsad qilmoqda.
