Fenerbaxche jamoasining markaziy himoyachisi Aleksandr Jiku Moskvaning Spartak klubi safiga o‘tishga yaqin turibdi. Bu haqida Euro-football.ru xabar berdi.
Avvalroq ikki klub 30 yoshli futbolchining transferi borasida kelishuvga erishgani haqida ma’lumotlar tarqalgan edi. Metaratings manbasining xabariga ko‘ra, Spartak rahbariyati Jikuga har yili 2,2-2,3 million yevro miqdorida maosh va qo‘shimcha mukofot pullari taklif qilgan.
Shu bilan birga, muzokaralar davomida bu summa kamayishi ham mumkinligi aytilmoqda. 2024-2025 yilgi mavsumda Aleksandr Jiku barcha musobaqalarda jami 38 uchrashuvda ishtirok etdi va bir marotaba raqib darvozasini ishg‘ol qildi.
Ayrim manbalarga ko‘ra, Spartak Jikuni Turkiya klubidan sotib olish uchun besh million yevro to‘lashga tayyor. Hozircha tomonlar rasmiy ravishda shartnoma imzolaganini e’lon qilmagan bo‘lsa-da, futbolchining yaqin kunlarda yangi klubga o‘tishi kutilmoqda.
Shu tariqa, Aleksandr Jikuning faoliyati Rossiya futbolida davom etishi ehtimoli yuqori.
