Manchester Yunayted klubi tez orada RB Leyptsig hujumchisi Benyamin Sheshko bilan shartnoma imzolaganini rasman e’lon qilishi kutilmoqda. Bu haqida Euro-football.ru xabar berdi.
So‘nggi kunlarda tomonlar kelishuvga erishgani va endi barcha hujjatlar rasmiylashtirilgani ma’lum bo‘ldi. Mashhur futbol yangiliklari manbasi Fabrizio Romano bergan ma’lumotlarga ko‘ra, ikki klub transferni yakunlash uchun zarur bo‘lgan barcha hujjatlarni imzoladi.
Oldinroq xabar berilganidek, ushbu bitimning qiymati 85 million yevro bo‘lishi ko‘zda tutilgan. Shanba kuni ertalab Benyamin Sheshko Manchester Yunayted jamoasi bilan rasmiy shartnoma imzolaydi.
Shu kuni 22 yoshli hujumchi jamoaning yangi a’zosi sifatida Olf Trafford stadionida ommaga tanishtiriladi. Bu tadbir “Fiorentina”ga qarshi o‘rtoqlik uchrashuvi boshlanishidan oldin bo‘lib o‘tadi.
Shu tariqa, Benyamin Sheshko yangi mavsumdan boshlab Manchester Yunayted safida maydonga tushishi kutilmoqda. Klub ushbu transfer orqali hujum chizig‘ini kuchaytirishni rejalashtirmoqda.
