“Chelsi” Jeksonni “Arsenal”ga taklif qildi, biroq rad javobi oldi

Nikolас Jekson “Chelsi”dan “Arsenal”ga o‘tishi mumkin bo‘lgan yana bir futbolchi sifatida tilga olinmoqda. Bu haqida Euro-football.ru xabar berdi.

So‘nggi yillarda “Arsenal” ko‘plab futbolchilarni “Chelsi”dan o‘z safiga qo‘shgan. Biroq bu safar, Jekson misolida, bunday holat takrorlanmaydigan ko‘rinadi.

Mazkur holatga oid xabarlarga ko‘ra, “Chelsi” klubi “Arsenal”ga Nikolас Jeksonni sotishni taklif qilgan, biroq “Arsenal” bu taklifga qiziqish bildirmagan. Hozirda Jekson uchun asosiy da’vogarlar sifatida “Nyukasl” va “Aston Villa” klublari ko‘rsatilmoqda.

Transfermarkt portali ma’lumotiga ko‘ra, 24 yoshli hujumchining transfer narxi 50 million yevroga baholanmoqda. Uning amaldagi shartnomasi 2033 yilgacha mo‘ljallangan.

Eslatib o‘tamiz, joriy yozda “Arsenal” allaqachon boshqa bir hujumchi – Viktor Dyokereshni Lissabonning “Sporting” klubidan xarid qilgan. Shu sababli, klub Jeksonni sotib olish masalasida faol harakat qilmayapti.

“Arsenal” yangi futbolchilar bilan tarkibini kuchaytirishda davom etmoqda, biroq Jeksonning ehtimoliy transferi hozircha kun tartibida emas.