Ponomaryov: Spartak Lokomotiv ustidan g‘alaba qozonadi
Rossiya premer-ligasining to‘rtinchi turida Moskvaning "Lokomotiv" va "Spartak" jamoalari o‘rtasida uchrashuv bo‘lib o‘tadi. Bu haqida Euro-football.ru xabar berdi.
Ushbu o‘yinga doir o‘z fikrini poytaxtning CSKA klubi faxriysi Vladimir Ponomaryov bildirib o‘tdi. Vladimir Ponomaryovning so‘zlariga ko‘ra, "Spartak" jamoasi mavsumni muvaffaqiyatsiz boshlagan.
Hozirda ular g‘alabaga chanqoq va "Lokomotiv"ga qarshi o‘yinda ustunlik qilishga harakat qiladi. Mutaxassisning fikricha, "Spartak" ushbu uchrashuvda ikki bor gol urishi mumkin.
Moskva shahri derbisi bo‘lmish "Lokomotiv" va "Spartak" o‘rtasidagi bellashuv "RJD Arena" stadionida, shanba kuni, 9-avgust sanasida o‘tkaziladi. Uchrashuv mahalliy vaqt bilan soat 18:00 da boshlanishi rejalashtirilgan.
Hozirda "Lokomotiv" Rossiya chempionati turnir jadvalida yetakchilik qilmoqda, "Spartak" esa o‘n birinchi o‘rinda bormoqda. Mazkur uchrashuv ikki jamoa uchun ham muhim ahamiyatga ega.
"Lokomotiv" yetakchilikni mustahkamlashga harakat qilsa, "Spartak" mavsumdagi muvaffaqiyatsizliklardan so‘ng o‘z muxlislarini xursand qilishga intiladi. Shu sababdan, o‘yinda kurash va raqobat yuqori bo‘lishi kutilmoqda.
