Syomin: Spartak natijalari yomonlashsa murabbiy ishdan ketadi

Rossiyalik taniqli mutaxassis Yuriy Syomin poytaxtning Spartak jamoasi bosh murabbiyi Dejan Stankovichning ishdan bo‘shatilishi mumkinligi haqida o‘z fikrini bildirdi. Bu haqida Euro-football.ru xabar berdi.

So‘nggi o‘yinda qizil-oq jamoa safarda Lokomotivga 2:4 hisobida mag‘lub bo‘ldi. Syominga ko‘ra, klub rahbariyati vaziyatni yaxshilash uchun turli imkoniyat va variantlarni izlamoqda.

Agar natijalar bo‘lmasa, murabbiy almashtiriladi. Biroq, bunday holatda sport direktori ham o‘z mas’uliyatini his qilishi kerak, chunki natija uchun ikkisi ham javobgar, deydi mutaxassis.

Dejan Stankovichning Spartak bilan amaldagi shartnomasi 2027 yilning o‘rtalariga qadar davom etadi. Hozirgi paytda jamoa Rossiya oliy ligasida to‘rtta o‘yin o‘tkazib, to‘rt ochko jamg‘argan va turnir jadvalida 11-o‘rinda bormoqda.

Klub rahbariyati natijalarni yaxshilash uchun zarur choralarni ko‘rmoqda. Mutaxassislar fikriga ko‘ra, natijalar yaxshilanmasa, klubda yana o‘zgarishlar bo‘lishi ehtimoldan xoli emas.