Shanba kuni Manchester Yunayted klubi hujumchi Benyamin Sheshko transferi haqida rasmiy bayonot berdi. Bu haqida Euro-football.ru xabar berdi.
Hozircha sloveniya futbolchisining yangi jamoasida qaysi raqam ostida maydonga tushishi tasdiqlanmadi. Biroq muxlislar bu borada o‘z taxminlarini bildirishmoqda.
Klubning so‘nggi o‘rtoqlik uchrashuvida Diego Leon 35-raqam ostida maydonga tushdi. Avvalroq, yozda jamoaga kelib qo‘shilgan paraguailik futbolchi 30-raqamli forma kiyib o‘ynagan edi.
Endilikda esa 30-raqam Benyamin Sheshkoga berilishi kutilmoqda. Buning sababi shundaki, Sheshko ilgari Red Bull Zalsburg va RB Leyptsig klublarida ham aynan 30-raqam ostida harakat qilgan.
Shu bois, Manchester Yunaytedda ham u shu raqamni tanlashi tabiiy hol deb hisoblanmoqda. Eslatib o‘tamiz, Angliya Premer-ligasining birinchi turida Manchester Yunayted o‘z maydonida Arsenal jamoasiga qarshi bahs olib boradi.
Uchrashuv yakshanba kuni, 17-avgust sanasida bo‘lib o‘tadi. Mazkur o‘yinda Sheshko yangi jamoasi safida ilk bor maydonga tushishi mumkin.
Klub va muxlislar ushbu transferdan katta umid qilmoqda.
