"Liverpul" jamoasi bosh murabbiyi Arne Slot klubning yozgi transfer bozoridagi faoliyati haqida fikr bildirdi. Bu haqida Euro-football.ru xabar berdi.
Uning so‘zlariga ko‘ra, jamoa yangi futbolchilarni xarid qilish uchun bu mavsumda deyarli 300 million yevro sarfladi. Arne Slotning ta’kidlashicha, ikki yil davomida tarkibda katta o‘zgarishlar bo‘lmagan.
Shu sababli, jamoani yangilash va unga yangi kuch bag‘ishlash uchun ko‘plab mablag‘ ajratildi. Bosh murabbiyning so‘zlariga ko‘ra, asosiy tarkibdagi to‘rt nafar futbolchi va jamoa uchun muhim bo‘lgan bir nechta o‘yinchilar klubni tark etdi.
Ularning ayrimlari, xususan, Trent, jamoani o‘z xohishiga ko‘ra tark etgan. Natijada, "Liverpul" yangi futbolchilarni xarid qilishga majbur bo‘ldi.
Slotning fikricha, bu o‘zgarishlar jamoaning kelgusi mavsumdagi muvaffaqiyati uchun muhim ahamiyatga ega. Ma’lumot uchun, Angliya chempionatining birinchi turida "Liverpul" o‘z maydonida "Bornmut" jamoasiga qarshi bahs olib boradi.
Uchrashuv joriy yilning 15-avgust, juma kuni bo‘lib o‘tadi.
