Nijniy Novgorodning “Pari NN” futbol klubi bosh murabbiyi Aleksey Shpilevskiy “Rostov” jamoasiga qarshi o‘yinda hakamlar faoliyatini batafsil muhokama qilishdan bosh tortdi. Bu haqida Euro-football.ru xabar berdi.
Rossiya Premyer-ligasining to‘rtinchi tur uchrashuvi 0:1 hisobida yakunlandi. Uchrashuv jarayonida murabbiydan o‘yinda ko‘rsatilgan qizil kartochka va raqib jamoa foydasiga belgilangan penaltiga munosabati so‘ralganda, u bu borada fikr bildirishni istamadi.
Shpilevskiy so‘zlariga ko‘ra, “Bu qizil kartochka to‘g‘ri bo‘ldimi? Bizning darvozamizga belgilangan penalti haqida nima deyish mumkin?
Men bu haqda gapirishni istamayman, chunki bu energiyam va sog‘lig‘imga salbiy ta’sir qiladi. Agar bu mavzuda gapira boshlasam, to‘xtay olmayman”, deya ta’kidladi u.
Ma’lum bo‘lishicha, uchrashuvning 11-daqiqasidan boshlab “Pari NN” jamoasi maydonda bir futbolchi kam bo‘lib harakat qildi. Ularning futbolchisi Mamadu Mayga qizil kartochka olib, maydonni tark etdi.
Keyinroq raqib foydasiga penalti belgilandi, biroq darvozabon zarbani qaytara oldi. Shunga qaramay, “Pari NN” jamoasi ushbu uchrashuvda ham ochko qo‘lga kirita olmadi.
Hozirda klub turnir jadvalida so‘nggi, o‘n oltinchi o‘rinda bormoqda.
