Moskva CSKA jamoasining hujumchisi Kirill Glebov yangi bosh murabbiy Fabbio Chelestini rahbarligida nega ko‘proq maydonga tushayotgani haqida o‘z fikrini bildirdi. Bu haqida Euro-football.ru xabar berdi.
Uning aytishicha, murabbiy jamoa o‘yin sxemasini o‘zgartirgani sababli, Glebov o‘ziga qulay bo‘lgan va uzoq yillar davomida o‘ynab kelgan pozitsiyada harakat qila boshlagan. Shu tufayli u maydonda ko‘proq vaqt o‘tkazmoqda.
Ma’lumot uchun, Shveytsariyalik mutaxassis Fabbio Chelestini 2025 yilning yozida CSKA jamoasiga bosh murabbiy etib tayinlangan. U bu lavozimda Marko Nikolicni almashtirdi.
Chelestini boshchiligida jamoa Premer-liganing dastlabki to‘rt turida sakkiz ochko to‘pladi. Joriy mavsumda 19 yoshli hujumchi Kirill Glebov olti o‘yinda maydonga tushib, uchta gol urdi va bir marotaba sherigiga golga assistentlik qildi.
Glebovning ta’kidlashicha, yangi murabbiy ishonch bildirayotgani va o‘yin sxemasida unga mos pozitsiya yaratilgani uning o‘yindagi faolligini oshirmoqda. Shu bois, futbolchi kelgusida ham jamoaga ko‘proq foyda keltirishga harakat qilishini qayd etdi.
