Mario Balotellining intizom bilan bog‘liq muammolari uning to‘liq salohiyatini namoyon qilishiga xalaqit berdi. Bu haqida Euro-football.ru xabar berdi.
Shunga qaramay, 34 yoshga kirgan hujumchi hali ham “Real” jamoasida o‘ynash istagini bildirayotganini aytmoqda. Hozirda esa Balotellining faoliyatini davom ettirish uchun unchalik mashhur bo‘lmagan variantlar mavjud.
Italiya ommaviy axborot vositalarining xabar berishicha, bir necha oydan beri “Paviya” klubi Mario Balotellini o‘z safiga qo‘shib olish uchun harakat qilmoqda. Klub tajribali hujumchi bilan shartnoma imzolash niyatida va yaqin kunlarda unga rasmiy taklif yuborilishi kutilmoqda.
“Paviya” klubi Italiya futbolining to‘rtinchi darajali divizioni hisoblangan D seriyasida ishtirok etadi. 2024/2025 yilgi mavsumda Mario Balotelli “Jenoa” jamoasi tarkibida maydonga tushgan.
Hozirda u erkin agent maqomiga ega va yangi jamoa izlamoqda. Balotellining kelajagi qanday kechishi hozircha noma’lum bo‘lib turibdi.
Tajribali futbolchining faoliyatini davom ettirishi uchun mavjud imkoniyatlar cheklangan bo‘lsa-da, uning katta futbolga qaytish istagi hali ham kuchli.
