Ximenes yangi hujumchilar raqobatidan cho‘chimaydi

«Milan» hujumchisi Santyago Ximenes jamoaga yangi hujumchi kelishiga qarshi emasligini bildirdi. Bu haqida Euro-football.ru xabar berdi.

Meksikalik futbolchi joriy mavsumning dastlabki olti oyida «rossoneri» tarkibida yuqori natija ko‘rsata olmadi. U 19 o‘yinda maydonga tushib, jami olti gol urishga muvaffaq bo‘ldi.

Klub tez orada Ximenesga raqobatchi bo‘lishi mumkin bo‘lgan yangi hujumchini sotib olishi kutilmoqda. Asosiy nomzodlar sifatida «Manchester Yunayted» futbolchisi Rasmus Hoylun va «Yuventus»dan Dushan Vlahovich tilga olinmoqda.

Ximenes intervyusida ehtimoliy raqobat haqida gapirar ekan, bu holat uni tashvishga solmasligini aytdi. Aksincha, raqobat futbolchini o‘z ustida ko‘proq ishlashga undaydi.

U ko‘proq gol urish uchun yana-da jiddiy mashg‘ulot o‘tkazishini ta’kidladi. Ma’lumot uchun, joriy yilning 17-avgust kuni Massimiliano Allegri boshchiligidagi jamoa Italiya Kubogi doirasida o‘z maydonida «Bari» klubini qabul qiladi.

Ushbu uchrashuv jamoa uchun muhim sinov bo‘lishi kutilmoqda.