Semshov: Stankovich o‘zini bosib olishi kerak

Moskvaning “Dinamo” jamoasining sobiq yarim himoyachisi Igor Semshov “Spartak” bosh murabbiyi Deyan Stankovichning o‘yin paytidagi hissiyotli harakatlariga o‘z fikrini bildirdi. Bu haqida Euro-football.ru xabar berdi.

Unga ko‘ra, “Spartak” tarkibida barqarorlik yetishmayapti va bunga vaqt kerak. Semshovning ta’kidlashicha, bosh murabbiy Stankovich ham o‘zini bosib olishi, asabiylikni chetga surishi lozim.

Shunda jamoada muammolar asta-sekin hal bo‘ladi va natijalar yaxshilanadi. Mutaxassis ushbu fikrlarni “Match TV” telekanali efirida aytib o‘tdi.

Eslatib o‘tamiz, serbiyalik mutaxassis Deyan Stankovich “Spartak” jamoasi bilan 2027 yilning o‘rtalariga qadar amaldagi shartnoma asosida ishlamoqda. Hozirda “Spartak” Rossiya chempionatida to‘rtta o‘yindan so‘ng turnir jadvalida 11-o‘rinda bormoqda.

Navbatdagi turda Stankovich shogirdlari “Zenit” jamoasiga qarshi maydonga tushadi. Jamoa muxlislari va mutaxassislar “Spartak”dan barqaror natijalar kutmoqda.

Bu borada murabbiy va futbolchilarga vaqt va ishonch zarur.