Vlahovich "Yuventus"da qolishga qaror qildi
"Yuventus" hujumchisi Dushan Vlahovich kelajak faoliyati borasida o‘z qarorini qabul qildi. Bu haqida Euro-football.ru xabar berdi.
Serbiyalik futbolchi Turin klubida qolishga qaror qilgan. Bu haqda Italiya nashrlari xabar bermoqda.
Manbaga ko‘ra, Vlahovich amaldagi shartnomasi muddati tugaguniga qadar "Yuventus" tarkibida qolishni istaydi. U klub bilan tuzilgan shartnomaga ko‘ra, kelasi mavsum uchun 12 million yevro maosh olishi ko‘zda tutilgan.
Shu sababli, Vlahovich rotatsiya o‘yinchisi bo‘lishga ham tayyorligini bildirgan. Shuningdek, ayrim manbalarga ko‘ra, serbiyalik hujumchiga "Milan" va "Manchester Yunayted" klublari ham qiziqish bildirgan.
O‘tgan mavsumda Vlahovich "Yuventus" safida barcha musobaqalarda 44 ta o‘yinda maydonga tushib, 17 ta gol urdi va 5 ta golli uzatma amalga oshirdi. Uning klub bilan amaldagi shartnomasi kelasi yil yozda yakuniga yetadi.
Hozircha futbolchi o‘z kelajagini aynan "Yuventus" bilan bog‘lashni ma’qul ko‘rmoqda.
