Fransiyalik markaziy yarim himoyachi Uorren Bondo Italiya chempionatining “Kremoneze” jamoasiga ijaraga berildi. Bu haqida Euro-football.ru xabar berdi.
Bu haqda klubning rasmiy sayti xabar berdi. O‘tgan mavsumda “Kremoneze” Italiya futbolining eng yuqori ligasida o‘ynash huquqini qo‘lga kiritish uchun o‘tkazilgan pley-off bosqichida g‘olib bo‘ldi.
Uorren Bondo 21 yoshda. U to‘rt yil avval Fransiyaning “Nansi” klubi safida oliy liga darajasida ilk bor maydonga tushgan.
Keyinchalik u “Montsa” jamoasida o‘ynadi va shu klubdan “Milan”ga o‘tgan. Transfer narxi 10 million yevro bo‘lgan.
O‘tgan mavsumda Bondo “Milan” tarkibida 5 ta o‘yinda maydonga tushdi, “Montsa” safida esa 22 ta uchrashuvda ishtirok etdi. Shu bilan birga, u gol yoki samarali uzatma bilan ajralib turgani yo‘q.
Futbolchi Fransiyaning barcha yoshlar terma jamoalarida o‘ynagan, biroq asosiy terma jamoaga chaqirilmagan. Uorren Bondo maydon markazida ham, himoyaviy yarim himoyachi sifatida ham harakat qilishi mumkin.
