Ugalde transferi: Spartak va Feyenoord narxda kelisha olmayapti

Moskvaning Spartak jamoasi hujumchisi Manfered Ugalde Feyenoord klubiga o‘tishi mumkinligi haqida batafsil ma’lumotlar paydo bo‘ldi. Bu haqida Euro-football.ru xabar berdi.

Avvalroq, Kosta-Rika terma jamoasi a’zosi bo‘lgan Ugalde Niderlandiya chempionatida faoliyatini davom ettirishi mumkinligi haqida xabarlar tarqalgan edi. Futbolchining o‘zi ham Spartak klubidan ketishga moyillik bildirgan.

Ugaldening agenti ham unga bu borada yordam bermoqda. Biroq, ikki klub transfer shartlari borasida kelisha olmayapti.

Spartak klubi futbolchini to‘g‘ridan-to‘g‘ri sotishni va buning uchun 25 million yevro talab qilmoqda. Feyenoord esa avval ijara asosida, keyin esa 20 million yevroga to‘liq sotib olish variantini taklif qilmoqda.

Bu haqda sport nashrlari xabar bermoqda. Manfered Ugalde joriy mavsumda Spartak safida 18 o‘yinda maydonga tushib, bir gol urishga erishdi.

Shunga qaramay, u 2024-2025-yilgi mavsumda Rossiya chempionatining eng yaxshi to‘purarlaridan biri bo‘ldi. 23 yoshli futbolchining Spartak klubi bilan amaldagi shartnomasi 2028-yil 30-iyungacha mo‘ljallangan.

Uning transfer narxi hozirda 15 million yevroga baholanmoqda.