Sport sharhlovchisi Vladimir Stognienko Parij jamoasi darvozaboni Lyuka Shevalye UEFA Superkubogi doirasida Londonning Tottenxem klubiga qarshi o‘yinda yo‘l qo‘ygan xatolari haqida fikr bildirdi. Bu haqida Euro-football.ru xabar berdi.
Ushbu uchrashuv Shevalye uchun Parij jamoasi safida ilk rasmiy o‘yin bo‘ldi. U yaqinda Lill klubidan sotib olinib, jamoaning asosiy darvozaboni Janluiji Donnarumma o‘rniga olib kelingan edi.
Sharhlovchining ta’kidlashicha, Shevalye ba’zi vaziyatlarda asabiylashgani kuzatildi, biroq bu holat vaqtinchalik bo‘lishi mumkin. Uning fikriga ko‘ra, darvozabonning o‘yinini kuzatishda davom etish zarur.
Shuningdek, Rossiyalik darvozabon Matvey Safonov butun o‘yin davomida zaxira o‘rindig‘ida o‘tirdi. Uchrashuv yakuniga besh daqiqa qolganda Parij jamoasi 0:2 hisobida ortda borayotgan edi.
Biroq ular hisobni tenglashtirishga erishib, penaltilar seriyasida g‘alaba qozondi. Shu tariqa, Parij jamoasi qiyin o‘yinda irodali g‘alabani qo‘lga kiritdi.
