Dembele “Zolotoy myach” haqida o‘z fikrini bildirdi

Usmon Dembele “Pari Sen-Jermen” jamoasiga yana bir sovrinni qo‘lga kiritishda yordam berdi. Bu haqida Euro-football.ru xabar berdi.

Parijliklar UEFA Superkubogi uchrashuvida “Tottenxem”ga qarshi o‘yinda mag‘lubiyatdan qutulib qoldi va so‘nggi daqiqalarda ikki gol urib, hisobni tenglashtirdi. Asosiy vaqt 2:2 hisobi bilan yakunlandi.

Penaltilar seriyasida Luis Enrike boshchiligidagi jamoa raqibdan aniqroq harakat qilib, 4:3 hisobida g‘alaba qozondi. Dembele ushbu o‘yinda golga uzatma berdi va penaltilar seriyasida ham o‘z imkoniyatidan to‘g‘ri foydalandi.

Uchrashuv yakunida fransiyalik futbolchi eng yaxshi o‘yinchi deb topildi. “Zolotoy myach” mukofoti haqida so‘z borganda, Dembele shunday dedi: “Murabbiyimiz aytganidek, shaxsiy mukofotlar yaxshi, lekin eng muhimi – jamoa bilan sovrinlarni yutish.” Bu so‘zlarni 90min nashri futbolchining o‘yindan keyingi intervyusidan keltirdi.

“Zolotoy myach” mukofotini topshirish marosimi 22 sentyabr kuni bo‘lib o‘tadi. Usmon Dembele ushbu mukofot uchun asosiy da’vogar sifatida ko‘rilmoqda.