Ibraima Konate "Real"ga o‘tishga rozilik berdi

"Liverpul" jamoasining markaziy himoyachisi Ibraima Konate Madridning "Real" klubiga o‘tishi ehtimoli oshib bormoqda. Bu haqida Euro-football.ru xabar berdi.

Ma’lumotlarga ko‘ra, Ispaniya klubi transfer oynasining so‘nggi kunlarida fransiyalik futbolchini sotib olishga harakat qilishi mumkin. Ayni paytda "Liverpul" rahbariyati Mark Geyi va Jovanni Leoni transferlari ustida ish olib bormoqda.

Agar bu ikki futbolchi jamoaga qo‘shilsa, Konateni Madrid klubiga yaqin haftalarda qo‘yib yuborish ehtimoli yuqori. Ibraima Konatening o‘zi ham "Real" klubiga o‘tishga rozi bo‘lgani aytilmoqda.

U yozgi transfer oynasida ham, shuningdek, kelasi yil shartnomasi yakunlangach ham Madrid klubiga o‘tishga tayyor. Futbolchining "Real" safida to‘p surishni istashi aniq.

Manbaga ko‘ra, Ispaniya klubi 26 yoshli himoyachi uchun 25 million yevrodan ortiq mablag‘ taklif qilmaydi. Shu bilan birga, "Liverpul" Konateni qo‘yib yuborishdan oldin o‘rniga yangi futbolchilarni jamoaga olib kelishni rejalashtirmoqda.

Hozirda barcha muzokaralar davom etmoqda va yakuniy qaror yaqin kunlarda qabul qilinishi kutilmoqda.