Moskva CSKA jamoasi hozircha Istanbul Boshakshehir klubidan Abbosbek Fayzullaevning transferi uchun moliyaviy kompensatsiya olgani yo‘q. Bu haqida Euro-football.ru xabar berdi.
Turkiya klubida mablag‘ni o‘tkazishda muammolar yuzaga kelgan. Istanbul Boshakshehir matbuot xizmatining "Match TV" telekanaliga bergan ma’lumotiga ko‘ra, transfer uchun to‘lovda muammo yo‘q, ammo pulni o‘tkazishda qiyinchiliklar mavjud.
Oldinroq ma’lum qilinishicha, Abbosbek Fayzullaev Turkiya klubiga o‘tib, besh yillik mehnat shartnomasini imzolagan. Transfer summasi yetti million yevroni tashkil etgan.
Abbosbek CSKA safida ikki yil davomida o‘ynagan, 72 o‘yinda sakkizta gol urib, 22 ta golga uzatma bergan. Hozirgi vaziyat bo‘yicha tomonlar o‘rtasida moliyaviy masalalar hal etilishi kutilmoqda.
