APLning eng sekin yuguradigan futbolchilari ma’lum qilindi
Angliya Premer-ligasining joriy mavsumida eng past tezlanishga ega futbolchilar ro‘yxati e’lon qilindi. Ushbu reytingni statistika va tahlil agentligi Opta nashri taqdim etdi.
Ro‘yxatda birinchi o‘rinni "Manchester Siti" yarim himoyachisi Bernardu Silva egalladi. Portugaliyalik futbolchining eng yuqori tezligi atigi 29,4 km/soatni tashkil etgan. Bu ko‘rsatkich unga Angliya chempionatidagi eng sekin futbolchi bo‘lish maqomini berdi.
Shuningdek, ro‘yxatda quyidagi futbolchilar ham o‘rin olgan:
1. Bernardu Silva ("Manchester Siti") – 29,4 km/soat
2. Kreyg Douson ("Vulverxempton") – 29,6 km/soat
3. Mikel Merino ("Arsenal") – 29,8 km/soat
4. Kazemiro ("Manchester Yunayted") – 30,2 km/soat
5. Tomash Souchek ("Vest Hem") – 30,2 km/soat
Tahlilchilarning fikriga ko‘ra, ushbu futbolchilar texnik jihatdan kuchli va pozitsion o‘yinda muhim rol o‘ynaydilar. Shuning uchun ularning tezligi kamchilik hisoblanmasligi mumkin. Ammo yuqori tempdagi hujumkor futbolni yoqtiradigan jamoalar uchun bu ko‘rsatkich ahamiyatli bo‘lishi mumkin.
Angliya Premer-ligasi har mavsum jismoniy ko‘rsatkichlarga e’tibor qaratadi va har bir futbolchining o‘yin uslubini tahlil qiladi. Shu bois, tezlikning pastligi futbolchining samaradorligiga qanday ta’sir qilishi mavsum davomida yaqqol namoyon bo‘ladi.
