Islom va Xabib: ikki afsonaning yuzma-yuz solishtiruvi
MMA olamida Dog‘istondan yetishib chiqqan ikki nom mavjudki, ularning ismlari butun dunyoda yuraklar tepishini tezlashtiradi: Islom Maxachev va Xabib Nurmagomedov. Ikkalasi ham jang san’atida o‘zbekcha aytganda "usto va shogird"dek munosabatda, biroq ularni xolis tarzda solishtirishga urinib kөramiz. Kim kuchliroq? Savol og‘ir, ammo mulohaza qilish arziydi.
Islom Maxachev foydasiga asoslar
Birinchi navbatda, Islom Maxachevning 77 kg vazn toifasiga otishga bo‘lgan tayyorligi e’tiborga loyiq. Hali u yarim өrta vaznda hali rasman jang o‘tkazmagan bo‘lsa-da, bu yukori darajadagi tavakkalchilik va yangi qiyinchiliklarga tayyorlikdir. Xabib esa butun faoliyatini 70 kg atrofida o‘tkazgan.
Shu bilan birga, Maxachev "Pound-for-Pound" reytingida 19 oydan buyon yetakchi bo‘lib turibdi. Bu esa, uning ustunligini va doimiy ustuvorligini ko‘rsatadi. Xabib esa faoliyati tugaganidan keyin, faqat 6 oy ushbu rayxatda yetakchi bo‘la olgan.
Shuningdek, Islom 15 ta ketma-ket g‘alabaga ega bo‘lib, Anderson Silvaning 16 ta rekordiga yaqinlashgan. Undan kelasi jangdagi g‘alaba unga na faqat rekord, balki ikkinchi vazn toifasidagi chempionlikni ham berishi mumkin.
Xabib Nurmagomedov foydasiga asoslar
Islomda statistik ustunliklar ko‘proq bo‘lishi mumkin, lekin Xabibning oktagondagi ta’siri va psixologiyasi boshqacha. U jangga chiqqanida raqiblar "o‘ylab topadigan" emas, "yo‘qotishdan qutula olmaydigan" kurashchi ekani ma’lum edi. Uning mahoratlari qarshi chiqish mumkin bo‘lmagan darajada ideallashgandi.
Shuningdek, Xabibning Konor Makgregorga qarshi jangdagi zafarli chiqishi uning sportdagi obrazini afsonaviy darajaga olib chiqdi. Islomda esa shunday darajadagi raqiblar yo‘q: Oliveyra, Volkanovski — kuchli, biroq "o‘yin o‘zgartiruvchi" emas.
Yana bir jihat: ko‘pchilik Maxachevning muvaffaqiyatida Xabibning hissasi borligini tan oladi. Bu shunchaki shaxsiy bog‘liqlik emas, balki Xabibning ustoz sifatidagi o‘rnini ham ko‘rsatadi.
Xulosa sizning qo‘lingizda
Shubhasiz, har ikkalasi ham o‘z davrining tengsiz yulduzlari. Islom texnik jihatdan zamonaviy, Xabib esa ma’naviy va ruhiy ta’sirga ega. Bu ikki yo‘nalishning qaysi biri ustunligini aniqlash mushkul. Ammo shunga amin bo‘lish mumkinki, ularning har biri MMA tarixida alohida sahifalarni yozib ketmoqda.
Kim afzal? Bu savolga javob berish uchun statistika, uslub, ta’sir va muxlislar ehtirosini hisobga olish kerak. Biz esa fikrni sizning o‘zingizga qoldiramiz. Faqat bitta narsa aniq: Maxachev va Xabib — bu nafaqat dog‘istonliklar, balki butun dunyo uchun g‘urur.
