O‘zbekistonlik jangchi Ramazon Temirov UFC bilan yangi shartnoma imzoladi, deb Olamsport manbasiga tayanib Nova24.uz xabar berdi.
Ma’lumotlarga ko‘ra, ushbu shartnomaga ko‘ra Temirov UFC doirasida yana to‘rtta jang o‘tkazadi.
28 yoshli Ramazon Temirov 2024 yilda UFC tarkibiga qo‘shilgan. U hozirgacha ikki g‘alabani qo‘lga kiritgan. Yangi shartnomaga ko‘ra, Temirovning navbatdagi jangi iyul oyida Qozog‘istonlik Asu Almabayevga qarshi bo‘lib o‘tadi.
