Ispaniya terma jamoasi va “Barselona” futbolchisi Lamine Yamal portugaliyalik hujumchi Krishtianu Ronaldu haqida fikr bildirdi, deb xabar berdi euro-football.ru.
Payshanba kuni 17 yoshli futbolchi Fransiya darvozasiga dubl kiritib, jamoasini Millatlar Ligasi finaliga olib chiqdi (5:4). Hal qiluvchi o‘yin yakshanba kuni bo‘lib o‘tadi — Luis de la Fuentening jamoasi Portugaliyaga qarshi maydonga tushadi. Portugaliya yarim finalda Germaniyani 2:1 hisobida mag‘lub etgan.
Yamal shunday dedi: “Ronaldu bilan to‘qnash kelishmi? Krishtianu — afsona, u hurmatga loyiq. Men o‘z ishimni qilib, bu o‘yinda g‘alaba qozonishga harakat qilaman.”
Ispaniya – Portugaliya uchrashuvi Toshkent vaqti bilan 8-iyun soat 00:00 da boshlanadi.
