“Manchester City” muxlislari klubni sudga berdi
“Manchester City” muxlislari mavsumiy abonementlar qoidasidagi o‘zgarishlar sababli klubga qarshi sudga murojaat qildi, deb euro-football.ru xabar bermoqda.
The Guardian ma’lumotiga ko‘ra, savdogarlar uyushmasi a’zolaridan iborat “Trade Union Blues” guruhi “Leigh Day” yuridik firmasi yordamida klub tomonidan abonement egalariga qo‘yilgan talablarni sudda rad etmoqchi.
Yangi qoida asosida abonementni uzaytirish uchun muxlislar bir mavsumda kamida 16 ta APL uy uchrashuviga borishlari kerak. Ulardan atigi 6 ta o‘yinga chipta boshqa kishiga berilishi yoki qaytarilishi mumkin.
Muxlislar buni har bir kishining shaxsiy holatini hisobga olmaydigan va iste’molchilar huquqini buzuvchi tizim deb hisoblamoqda. Ularning fikricha, bu yondashuv doimiy tashrif buyurolmaydigan muxlislarni kamsitadi. Klubga ko‘ra, umumiy 37 ming abonentning o‘rtacha 8 foizi uy o‘yinlariga bormaydi.
