FIFA 2026™ chempionati boshlanishiga aniq 1 yil qolganida, Visa (NYSE: V) dunyo futbolidagi eng yorqin yosh iste’dod Lamine Yamalni o‘zining global elchisi sifatida tanladi, deb xabar berdi kompaniya.
Kanada, Meksika va AQShda bo‘lib o‘tadigan bu tarixiy mundial oldidan Visa karta egalari uchun eksklyuziv imkoniyatlar taqdim etadi — Barselonada Yamal bilan uchrashuv, shaxsiy imzoli sovg‘alar va boshqa syurprizlar.
Visa’ning SEMEA (Markaziy va Sharqiy Yevropa, Yaqin Sharq va Afrika) bo‘yicha marketing direktori Tarek Abdalla ta’kidlashicha, Yamal — futbolning jasoratli, hayajonli va ilhomlantiruvchi kelajagini ifodalaydi.
Yamal bir nechta rekordlarni yangilagan, texnikasi, tezligi va maydondagi aql-zakovati bilan millionlab muxlislarni o‘ziga jalb qilgan. U shunday dedi:
“Futbol bu oddiy o‘yin emas — u odamlarni birlashtiradigan, quvonch baxsh etadigan kuch. Visa bilan hamkorlik menga bu ishtiyoqni dunyo bilan bo‘lishish imkonini beradi”.
Visa FIFA’ning rasmiy to‘lov texnologiyalari hamkori sifatida sport orqali tenglik, inklyuzivlik va yangi imkoniyatlarni targ‘ib qiladi.
Lamine Yamal FIFA 2026 uchun Visa’ning global elchisi bo‘ldi
👍 0❤️ 0😂 0😢 0😡 0
