Liverpool hujumchisi Darvin Nunes o‘zining kelajakdagi faoliyati bilan bog‘liq qarorini ma’lum qildi. Bu haqida www.euro-football.ru xabar berdi.
Urugvaylik futbolchi bilan Yevropa chempionatlaridagi jamoalar ham, Saudiya Arabistoni klublari ham qiziqish bildirmoqda. Football Italia nashrining xabariga ko‘ra, 25 yoshli futbolchi Liverpooldan ketish holatida Napoli klubiga qo‘shilishni istaydi. Napoli Darvin Nunes uchun asosiy nomzodlardan biri hisoblanadi, biroq hozircha “qizillar” bilan kelishuvga erishilmagan.
Transfermarkt mutaxassislarining bahosiga ko‘ra, hujumchining bozor qiymati 45 million yevroni tashkil etadi. Uning Liverpool bilan shartnomasi 2028 yil o‘rtalarigacha amal qiladi.
Futbolchining kelajagi haqida qaror qabul qilish jarayoni davom etmoqda va u yaqin oylar ichida jamoasini o‘zgartirishi mumkin. Bu holat futbol ixlosmandlari orasida katta qiziqish uyg‘otmoqda.
