Madridning “Real” jamoasining yangi o‘yinchisi Din Hyuysen bosh murabbiy Xabi Alonso tizimida muhim o‘rin egalladi. Bu haqida www.euro-football.ru xabar berdi.
20 yoshli markaziy himoyachi jamoaning ikki ilk Klub jahon chempionati o‘yinida asosiy tarkibda maydonga tushib, har ikkala uchrashuvda ham oxirigacha maydonda bo‘ldi. Marca nashrining ta’kidlashicha, Alonso allaqachon Hyuysenga jamoaning asosiy figurasi sifatida qaramoqda.
Chunki u hujumlarni boshlashda noyob qobiliyatga ega, to‘p bilan bosim ostida ham to‘g‘ri qaror qabul qila oladi va aniq pas uzata oladi. Din Hyuysen esa iyun oyining boshida Angliyaning “Bornmut” klubidan 62,5 million yevroga Madridga ko‘chib o‘tgan.
Juma kuni esa Madrid jamoasi Klub jahon chempionati guruh bosqichining uchinchi turidan joy olgan “Red Bull Zaltsburg”ga qarshi o‘yin o‘tkazadi. Bu o‘yin jamoaning keyingi yo‘nalishini belgilashda muhim bo‘ladi.
Hyuysenning maydondagi faoliyati va taktika tushunchasi jamoa uchun katta foyda keltirmoqda. Madrid klubi uchun uning ishtiroki katta umidlarni uyg‘otmoqda.
