Safonovning PSGdagi kelajagi Donnarumma qaroriga bog‘liq
Rossiyalik darvozabon Matvey Safonov hozirgi ko‘chirish oynasida Fransiyaning PSJ klubini tark etishi mumkin. Bu haqida www.euro-football.ru xabar berdi.
Parij klubi rossiyalik futbolchi bo‘yicha yakuniy qarorni italiyalik darvozabon Janluiji Donnarumma bilan muzokaralar tugamaguncha qabul qilmaydi. Safonovning sotilishi yoki ijaraga berilishi variantlari ko‘rib chiqilmoqda.
Yakuniy qaror aynan Donnarumma bilan olib borilayotgan muzokaralarga bog‘liq bo‘ladi, deb xabar bermoqda Sport24 manbasi. 26 yoshli rusiyalik darvozabon o‘tgan yil yozida Krasnodar klubidan Parij jamoasiga o‘tgan edi. PSJ Safonovni olib kelish uchun “buzovlar”ga 20 million yevro to‘lagan.
Matvey bilan parijliklar o‘rtasidagi mehnat shartnomasi 2029 yilning o‘rtalarigacha mo‘ljallangan. Shu sababli jamoa uni sotish yoki ijaraga berish bo‘yicha ehtiyotkorlik bilan qaror qabul qilmoqda.
Klub yangi darvozabon bilan shartnoma imzolagach, Safonovning kelajagi bo‘yicha yakuniy fikr bildiriladi. Hozircha transfer jarayoni davom etmoqda va tomonlar o‘z manfaatlarini hisobga olgan holda muzokaralar olib bormoqda.
