Yozgi transfer oynasida "Liverpul" jamoasi tarkibidan Darvin Nunes ketishi mumkin. Bu haqida Euro-football.ru xabar berdi.
So‘nggi kunlarda uning "Napoli" klubi bilan faol bog‘lanayotgani haqida xabarlar tarqalmoqda. Agar Nunes jamoani tark etsa, "Liverpul" yangi hujumchini sotib olish zaruriyatiga duch keladi. "Correio da Manha" nashrining ma’lumotlariga ko‘ra, "Liverpul" Lisabonning "Sporting" klubi hujumchisi Viktor Dyoekeresh uchun kurashga qo‘shilgan.
Mersisaydliklar 27 yoshli shved futbolchisining kelasi mavsumda jamoa natijalariga ijobiy ta’sir ko‘rsatishiga ishonishmoqda. Avvalroq ma’lum bo‘lishicha, "Sporting" Dyoekeresh uchun 80 million yevrodan past narxda muzokaralarga kirishmaydi.
Shved futbolchiga "Arsenal" va "Manchester Yunayted" klublari ham qiziqish bildirmoqda. Shunday qilib, "Liverpul" kelgusi mavsum uchun hujum chizig‘ini mustahkamlash maqsadida raqobatga kirishmoqda.
