Oldingi kunlarda hujumchi Krishtianu Ronaldu “Al-Nasr” klubi bilan yangi shartnoma imzoladi. Bu haqida Euro-football.ru xabar berdi.
Ushbu shartnoma 2027 yil o‘rtalarigacha mo‘ljallangan. Portugaliyalik futbolchi klub matbuot xizmatiga bergan intervyusida Jahon klublar chempionatida o‘ynamaslik sababini tushuntirdi. U klub chempionatida ishtirok etadigan jamoalardan takliflar olganini aytdi.
Biroq, Ronaldu yangi mavsumga yaxshi tayyorlanish va dam olishni afzal ko‘rganini ta’kidladi. Yangi mavsum uzoq davom etishini, ayniqsa terma jamoalar o‘rtasidagi Jahon chempionati bo‘lishini hisobga olgan holda, faqat “Al-Nasr” o‘yinlariga emas, balki terma jamoa o‘yinlariga ham tayyor bo‘lish istagini bildirdi.
Shuning uchun U Millatlar Ligasi tugagach, boshqa takliflarni ko‘rib chiqmaslikka qaror qilganini ma’lum qildi. Krishtianu Ronaldu hozirda 40 yoshda. O‘z faoliyati davomida u besh marta “Oltin to‘p” mukofotini qo‘lga kiritgan.
Uning futbol sohasidagi yutuqlari va tajribasi dunyo bo‘ylab futbol muxlislari tomonidan yuqori baholanadi. Ronaldu hali ham yuqori darajada o‘ynashga intilmoqda va kelajakdagi vazifalariga jiddiy yondashmoqda.
