Afsonaviy hujumchi va sobiq “Yuventus” sardori Alessandro Del Piero Turin klubining Jahon klublari chempionatidagi o‘yinlari haqida fikr bildirdi. Bu haqida Euro-football.ru xabar berdi.
Jamoa pley-off bosqichiga chiqib, 1 iyul kuni 1/8 finalda Madridning “Real” jamoasi bilan maydonga tushadi. Football Italia bilan suhbatda Del Piero “Yuventus” uchun mavsum oson kechmaganini, biroq jamoa guruh bosqichini muvaffaqiyatli yakunlaganini ta’kidladi.
Uning so‘zlariga ko‘ra, mavsum davomida murabbiy almashinuvi yuz bergani uchun jamoa barqaror o‘yin ko‘rsata olmadi, bu “Yuventus” uchun kamdan-kam uchraydigan holat. Qiyinchiliklarga qaramay, pley-offga chiqish muhim natija ekanligi aniq.
Jamoada yangi ruh va energiya paydo bo‘lganini ko‘rish mumkin. Futbolchilar yaxshi harakat qilishmoqda, oxirgi o‘yinda hamma narsa mukammal bo‘lmasada, jamoa o‘z vazifasini bajarishga harakat qilmoqda.
Sobiq hujumchi ushbu fikrlarni bayon qilib, “Yuventus”ning kelgusi o‘yinlarda ham muvaffaqiyatli ishtirok etishini tiladi.
