Liverpool futbol klubining yarim himoyachisi Trey-Moris Nyoni 30 iyun kuni 18 yoshga to‘lib, o‘zining birinchi professional shartnomasini imzoladi. Bu haqida Euro-football.ru xabar berdi.
Bu haqda klubning rasmiy sayti xabar berdi. Nyoni 2023 yilgacha Leicester klubida o‘ynagan va shu yil yanvar oyida Yevrokuboklarda Liverpool safida maydonga chiqqan eng yosh futbolchi bo‘ldi. Uning Yevropa Chempionlar Ligasi doirasidagi PSVga qarshi o‘yinda maydonga tushganida yoshi 17 yosh va 213 kun edi. Yarim himoyachi Liverpoolni bolaligidan qo‘llab-quvvatlab kelganini aytib, “Bu mening uchun juda quvonchli holat.
Endi esa o‘z shartnomamni munosib ko‘rsatishim kerak. Qadam-baqadam yaxshilanib, futbolchi sifatida rivojlanmoqdaman”, dedi klub matbuot xizmatiga bergan intervyusida. O‘tgan mavsumda asosan markaziy yarim himoyachi pozitsiyasida maydonga chiqqan Nyoni asosiy jamoa safida 5 o‘yinda ishtirok etdi.
Shuningdek, yoshlar va o‘smirlar jamolarida 11 o‘yinda maydonga tushib, 2 ta gol urdi va 2 ta golga uzatma berdi. Trey-Moris Nyoni Liverpool jamoasining kelajagi porloq futbolchilaridan biri sifatida e’tirof etilmoqda.
