Himoyani “betonlab tashlagan” Abduqodir Husanovning o‘yini qanday baholandi?
Abduqodir Husanov “Tottenhem”ga qarshi o‘yin qahramonlaridan biriga aylandi
Angliya Premer-ligasining 27-turida “Manchester Siti” Londonga safar qilib, “Tottenxem” maydonidan uch ochko olib qaytdi.
Angliya Premer-ligasining 27-turidan o‘rin olgan “Tottenhem” – “Manchester Siti” bahsi manchesterliklar uchun muhim g‘alaba bilan yakunlandi. Xosep Gvardiola shogirdlari Londondan 1:0 hisobidagi minimal ustunlik bilan qaytishdi. Uchinchi daqiqada Erling Xoland jarohatdan qaytib, muhim g‘alabani ta’minladi.
Biroq bu bahsda eng ko‘p e’tirof etilgan o‘yinchilardan biri himoya chizig‘ida benihoya ishonchli o‘yin ko‘rsatgan o‘zbekistonlik legioner Abduqodir Husanov bo‘ldi.
Himoyada ishonchli to‘siq – Husanov
Nufuzli manbalardan biri CityXtra saytining baho berishicha, Abduqodir Husanov va Erling Xoland ushbu uchrashuvning eng yaxshi futbolchilari bo‘lishdi. Husanov raqib hujumlarini yo‘qqa chiqarishda qat’iyatli harakat qilib, jamoasiga muhim uch ochko olib kelishda katta hissa qo‘shdi.
O‘yinchilarning baholari
? Abduqodir Husanov – 8 ball
Yanvarda jamoaga qo‘shilganiga qaramay, o‘zini eng muhim futbolchilardan biri sifatida namoyon qilmoqda. U himoya chizig‘ida a’lo darajada harakat qilib, raqib hujumlarini bartaraf etdi.
⚡ Erling Xoland – 8 ball
Jarohatdan qaytgan norvegiyalik superhujumchi “Siti”ning yagona golini kiritib, jamoasiga g‘alaba keltirdi.
? Ederson – 8,5 ball
Braziliyalik darvozabon bugungi uchrashuvda “Manchester Siti”ning asosiy tayanchi bo‘ldi va bir necha daqiqali seyvlar bilan jamoasini qutqardi.
Ruben Dias – 7 ball
Husanov bilan yaxshi sheriklikda harakat qilib, raqibga hujum qilish imkoniyatini minimal darajaga tushirdi.
Jeremi Doku – 7,5 ball
Mezbonlar himoyachisi Pedro Porroni qiynab qo‘ydi, driblinglari bilan raqib himoyasini tarqatishga harakat qildi.
Umar Marmush – 5 ball
Yangi futbolchi sifatida harakat qildi, ammo raqib himoyachilarining bosimi sababli kutilgancha o‘yin namoyon eta olmadi.
Yoshko Gvardiol – 6:
Xorvatiyalik futbolchi umuman olganda himoyaning chap qanotida ancha ishonchli o‘ynadi. Biroq bahs davomida shoshib qolgan vaziyatlar ham bo‘ldi.
Niko Gonsales – 6:
Transfer oynasi yopilishi arafasida kelgan bu yangi futbolchi ham “Manchester Siti” tarkibiga o‘rnashib oldi. Niko to‘pni nazorat qilishga yordam berdi.
Mateus Nunes – 6:
“Manchester Siti”ning 27-raqamli o‘yinchisi birinchi bo‘limda juda yaxshi natijalarni qayd etdi. Biroq o‘yinning ikkinchi yarmida himoyada muammolarga duch keldi.
Mateo Kovachich – 7:
Tajribali yarim himoyachi butun uchrashuv davomida maydon markazida tartib o‘rnatdi va uni nazorat ostida ushladi. Paslari va to‘pni ushlab turish mahorati ko‘zga tashlandi.
Savino – 5:
Bu gal o‘yini kutilgan darajada bo‘lmadi. U hisobdagi farqni oshirish uchun juda zo‘r imkoniyatga ega bo‘lgandi. Lekin undan foydalana olmadi.
Fil Foden – 6:
Angliya terma jamoasi o‘yinchisi 74-daqiqada maydonga tushib, maydon markazida ustunlikni ushlab turishga harakat qildi.
Bernardu Silva – 5:
Portugaliyalik yulduz bu gal o‘yinga ta’sir o‘tkaza olmadi. Shu bilan birga o‘yin ko‘rinishi buzgani ham yo‘q.
?Husanov “Siti”ning asosiy figurasiga aylanmoqda!
“Chelsi”ga qarshi noaniq o‘yindan keyin Husanov har safar maydonga tushganida o‘sishda davom etmoqda. “Real”, “Liverpul” va “Nyukasl” kabi jamoalarga qarshi muvaffaqiyatli harakat qilganidan so‘ng, u bu gal “Tottenhem”ga qarshi yana bir yuksak darajadagi o‘yin ko‘rsatdi.
Gvardiola ham unga ishonch bildirishda davom etyapti va muxlislar kelgusi bahslarda ham Husanovdan shunday yuqori darajadagi o‘yinlarni kutmoqda.
⚽ Navbatdagi uchrashuv:
“Manchester Siti” Premer-liganing 28-turida “Nottingem Forest”ga qarshi kurash olib boradi. Abduqodir Husanov ushbu bahsda ham asosiy tarkibda maydonga tushishi kutilmoqda.
